எந்திரன் ட்ரெய்லர் பல்வேறு இடங்களில் வெளியிடப்பட்டது. சத்யம் காம்ப்ளக்ஸ்தான் ஹைலைட். வைரமுத்து, ஆர்யா, கே.எஸ்.ரவிக்குமார் என அரங்கு வழிய விஐபிகள். லதா ரஜினிகாந்த், சௌந்தர்யா என குடும்ப உறுப்பினர்களும் உண்டு.
ரஜினி எண்பதாவது வயதிலும் இதேபோல் டூயட் பாடுவார். காரணம் ஏஜ் அல்ல இமேஜ் என்று ரஜினி ரசிகர்களை விசிலடிக்க வைத்தார் ரவிக்குமார். வைரமுத்து இன்னும் ஒருபடிமேல். எந்திரனில் ரஜினி 100 அடி பாய்ந்திருக்கிறார். அடுத்தப் படத்தில் 120 அடி பாய்வார் என்றார். ரஜினியையும், அமிதாப்பையும் வைத்து அவர் சொன்ன கதையை ரஜினியே ரசிப்பாரா என்பது சந்தேகம்.
எந்திரன் படத்துக்கு 1000 நாள் போஸ்டர் அடிப்பார்கள் என சொன்னார் ஆர்யா
திருச்சி,கோவை போன்ற ஊர்களிலும் 30 தியேட்டர்களில் வெளியிடப்படுகிறது
3 டிரைலரை வெளியிட்ட வகையில் சண்டிவியில் அதை ஒளிபரப்பிய வகையில் சண்டிவி சம்பாதித்தது பல லட்சம்.படம் வரும் முன்னரே எந்த வகையில் எல்லாம் சம்பாதிக்க முடியுமோ அந்தளவு சம்பாதிக்க கசக்கி சாரு குடிக்க கலா நிதி மாறன் முயற்சி செய்கிறார்..
இதுவரை எந்த படத்திற்க்கும் போடப்படாத பிரிண்டுகள்,இதுவரை இந்திய அளவில் விற்பனை ஆகாத அளவு பாடல் சிடிக்களின் விற்பனை என கோடம்பாக்கம் மட்டுமல்லாது இந்திய திரை உலகையும் திகைக்க வைத்துக்கொண்டு இருக்கிறது எந்திரன்.ஏற்கனவே இந்திய அளவில் சூப்பர் ஸ்டாராக ரஜினி இருக்கும் போது கலாநிதி மாறன் இந்த படம் வருவதற்க்கு முன்பே இதன் புகழால் ரஜினி இந்தியாவின் சூப்பர்ஸ்டார் ஆகிவிட்டார் என்கிறார்.அதாவது ஷாருக்கான்,அமிதாப்பை ரஜினி முந்தி விட்டார் என்ற தொனியில் கூறினாரா என தெரியவில்லை.அது உண்மையாகும் காலம் எந்திரன் வரும் காலம் .அதன் பிரம்மிக்க வைக்கும் வெற்றி சொல்லும் காலம்.
எந்திரன் டிரைலரை விழா எடுத்து கொண்டாடி அதற்க்கு திரளான ரசிகர்கள் வந்திருந்து பார்ப்பதென்றால் அது ரஜினிக்கு மட்டுமே உள்ள மாஸை சொல்லும் ஆதாரம்.வேறு எந்த நடிகர் பட டிரைலரையும் வைத்து இப்படி கூட்டத்தையோ பணத்தையோ சம்பாதிக்க முடியாது.மேலும் இதுவே உலக அளவில் புது முயற்சி.புது சாதனை
நன்றி-வெப்புலகம்