ஜேயல் ஒட்டினோ என்பவருக்கு பிறந்தவர் ஜார்ஜ் ஒபாமா. ஜார்ஜ் தற்போது கென்யா நாட்டின் நைரோபி நகரில், ஒரு குடிசைப் பகுதியில் வசிக்கிறார்.
அண்ணன் வெள்ளை மாளிகையில் உலகத் தலைவராக வீற்றிருக்க, நைரோபி குடிசைப் பகுதியில், சாதாரணமாக வாழ்ந்து வருகிறார் ஜார்ஜ். ஹாலிவுட் நிருபர் திணேஷ் டிசூசா கென்யாவுக்கு சென்று, ஜார்ஜை பற்றிய விவரணப் படம் எடுத்துள்ளார்.
இதில் ஜார்ஜ், நான்கு நிமிடங்கள் பேட்டியளித்துள்ளார். அதில் அவர் குறிப்பிடுகையில், "என்னுடைய சகோதரர் உலகத்தையே காத்து வருகிறார். அந்த வகையில் என்னையும் காக்கிறார். எங்கள் நாட்டில் எப்போதும் சண்டை நடந்து கொண்டே இருப்பதால், இரண்டாம், மூன்றாம் நாடுகள் பட்டியலில் உள்ளோம்.
நான் ஆறு மாதக் குழந்தையாக இருந்த போது, கார் விபத்தில் தந்தை இறந்து விட்டார். அவர் மெத்தப் படித்தவர் என, என் தாய் கூறியிருக்கிறார். என் தந்தையை பற்றிய நினைவுகள் எனக்கு இல்லை" என்றார்.